يوم الطف
""""""""""""""""
وجه الگاع وحشه...........
الدمه اعليه ﭼبود ...........
وشح ماي الفرات.. بﭼتفه غربه حيود
والميدان سيف...يحز وريد الموت
والگيظ بسمومة ....ينز ابد ميهود
وجه الكون مغبّر.....حلگه آفة موت
والكفار غايه....ونذل بيها يگود
وغيم الكون احمر...والنِفس محبوس
بصدر حسين لا.....غايه ابد متهود
وصار الموت رّحه.....وغايه للسبعين
لاجل حسين....واحدهم بنفسه يجود
صال ..وصالوا ٲهله ...الجنه فكت بوب
التم شمل الكساء...بقدرة المعبود
والعباس........دمّه يزف وفه لحسين
انطه العين.....والهامة وي ظهرة زنود
الاكبر......رصع روحه بگصة التاريخ
طرزنا فخر.......ماس وذهب وورود
لاء حسين شمعه اتدلي لمتيهين
الحُر .....بيهه عله والزارة ليه يعود
حتى افريقيا ...تتباهه عدهم جون
الوفا .....صرخه حسين بٲسمة گام تذود
صرخة غاندي...طگ بيهه هام العار
گال حسين دربي.. بصبرة اطگ گيود
حسين بكربله ...فجّر الف بركان
اللا صارت مناير....والذهب معگود
طول العام ذكرك بالدموع حسين
مو رادود يصرخ.....مية الف رادود
حضرة بكربله الهم.. . صك يطهر الروح
ونورين المناير بالعرش مشدود
مثل جدة ....تزورة ويمه تبرة الروح
باب حسين وسعه....ولا تظن مسدود
******************
محمد النعماني // العراق.
""""""""""""""""
وجه الگاع وحشه...........
الدمه اعليه ﭼبود ...........
وشح ماي الفرات.. بﭼتفه غربه حيود
والميدان سيف...يحز وريد الموت
والگيظ بسمومة ....ينز ابد ميهود
وجه الكون مغبّر.....حلگه آفة موت
والكفار غايه....ونذل بيها يگود
وغيم الكون احمر...والنِفس محبوس
بصدر حسين لا.....غايه ابد متهود
وصار الموت رّحه.....وغايه للسبعين
لاجل حسين....واحدهم بنفسه يجود
صال ..وصالوا ٲهله ...الجنه فكت بوب
التم شمل الكساء...بقدرة المعبود
والعباس........دمّه يزف وفه لحسين
انطه العين.....والهامة وي ظهرة زنود
الاكبر......رصع روحه بگصة التاريخ
طرزنا فخر.......ماس وذهب وورود
لاء حسين شمعه اتدلي لمتيهين
الحُر .....بيهه عله والزارة ليه يعود
حتى افريقيا ...تتباهه عدهم جون
الوفا .....صرخه حسين بٲسمة گام تذود
صرخة غاندي...طگ بيهه هام العار
گال حسين دربي.. بصبرة اطگ گيود
حسين بكربله ...فجّر الف بركان
اللا صارت مناير....والذهب معگود
طول العام ذكرك بالدموع حسين
حضرة بكربله الهم.. . صك يطهر الروح
ونورين المناير بالعرش مشدود
مثل جدة ....تزورة ويمه تبرة الروح
باب حسين وسعه....ولا تظن مسدود
******************
محمد النعماني // العراق.
ليست هناك تعليقات:
إرسال تعليق